Во последните 24 часа во Србија тестирани биле вкупно 8.287 лица, од кои позитивни се 299, а починаа 13 лица, што е најголем број на починати за еден ден од почетокот на пандемијата.
Српските медиуми пренесоа дека во моментот околу 110 пациенти се приклучени на респиратори и се во тешка здравствена состојба.
Претходно, во Србија беше прогласена вонредна состојба во 16 градови и општини поради влошување на епидемиолошката состојба. Тоа подразбира преземање посебни мерки за да се спречи ширењето на новиот коронавирус, кои се на сила во Белград, Богатиќ, Владичин Хан, Лучани, Нови Пазар, Тутин, Крагуевац, Врање, Ивањица, Шабац, Чачак, Краљево, Ариље, Пожега, Ужице и Прибој.