Припадниците на Министерството за внатрешни работи на Србија во текот на ноќта завршија увид во Народното собрание, откако беше пријавено дека во зградата е поставена бомба.
Контрадиверзантските екипи кои веднаш биле упатени на местото на настанот утврдиле дека пријавата е лажна, а при увидот на Народното собрание не биле пронајдени сомнителни предмети.
Претходно, вицепремиерот и министер за внатрешни работи Ивица Дачиќ синоќа изјави дека околу 20.47 часот на бројот 192 било дојавено дека била поставена бомба во Народното собрание.
Според него, на местото на настанот веднаш биле испратени контрадиверзантски екипи за да извршат целосен увид на објектот.
