Претседателот на Србија Александар Вучиќ денеска изјави дека се надева на договор кога е во прашање војната во Украина, но не го гледа, па стравува дека може само да се влоши.
– Се плашам дека само ќе се влоши. Проблемот е што никој не сака компромис, само пораз на другата страна. Додека работите не станат појасни, а нема да станат појасни наскоро, се плашам дека ќе имаме тежок конфликт и сè потешка ситуација – рече Вучиќ, одговарајќи на прашањето дали верувате дека ќе има договор, примирје во Украина.
Тој изјави дека до крајот на зимата остануваат уште пет месеци и шест дена и дека секој ден што ќе помине е важен.
Тој изјави и дека за неколку дена почнува грејната сезона, додавајќи иронично дека чека некој да се појави денеска, на 25 степени, за да протестира што нема греење, во кошули со кратки ракави.