Српскиот претседател Александар Вучиќ денес изјави дека за Србија членството во Европската Унија е стратешка определба и приоритет на надворешната политика и дека ова нема да се промени до следните избори, но дека верува дека ќе продолжи и потоа, и изјави дека доставил писмо до претседателката на Европската комисија, Урсула фон дер Лајен, во кое бара од ЕУ да ја ослободи Србија од царини за челик.
„Знам дека ЕУ не може да ја ослободи Србија, но ѝ доставив писмо со кое барав Србија да биде ослободена од царини за челик, но побарав и верувам дека ЕК ќе најде начин да го олесни статусот на земјите-кандидатки и да ги олесни работите. Зимата нема да ни биде лесна, обезбедивме големи резерви на нафта и гас, но ќе биде тешка политичка зима. Ќе соработуваме тесно со ЕУ“, рече Вучиќ.
„Според тоа, верувам дека она што е направено во врска со избирачките списоци, некои други работи поврзани со енергетските прашања ќе наидат на позитивна реакција, но сè уште има работа што треба да се направи“, рече претседателот на Србија.