Српскиот претседател Александар Вучиќ се обрaти по повтореното гласање на едно избирачко место во Косјериќ, а каде и најмала разлика одлучуваше за конечната победа.
„Се случи големо чудо, само пред неколку дена претставниците на опозицијата и блокадерите убедливо ја победија нашата листа на тоа избирачко место со 95 гласа разлика. Сега им требаа 140 гласа разлика за да победат во Косјериќ. Вечерва ние убедливо победивме дури и на тоа место со 197 гласа, а тие со 153. Тие изгубија 72 гласа“, рече тој.
„Никогаш не сме победиле на тоа гласачко место. Рекордна излезност“, рече тој.
„350 од нив сега чекаат пред општината, сакам да им честитам на сите луѓе во Србија и Косјериќ затоа што ова покажува дека нормална Србија победува. Многумина кои сакаа промени и секогаш со право нè критикуваа, разбраа дека победата на оние кои не ја заслужуваат ќе ја одведе Србија во бездна. Ова е пресврт што речиси никогаш не се видел. Луѓето се лути, им е преку глава. Луѓето сакаат Србија да се гради, Србија да работи, да оди напред. Им честитам на СНС и на сите луѓе кои работеа напорно“, рече Вучиќ.
Тој истакна дека победата е чиста како солза.
„Нема ниту една забелешка во записникот. Чистата победа за СНС е како солза. Косјериќ е во рацете на одговорни и сериозни српски домаќини и ние ќе се погрижиме Косјериќ да напредува“, рече тој.
„Она што го покажаа денес е вистинска катастрофа за нив. Можам да посакам да го прават тоа, но не сакам заради Србија. Лошо е за Србија“, рече тој за блокадерите.