Србија наскоро ќе почне да произведува четиривалентна вакцина против грип, а во институтот „Торлак“ ќе бидат вложени 20 милиони евра, со цел тој да стане најдобрата фабрика за вакцини во Европа, напиша денеска претседателот на Србија Александар Вучиќ на Инстаграм.
„Државата ќе вложи 18 милиони евра во капацитетите за полнење и пакување вакцини, за пакување на вакцини за грип, но и тетанус, дифтерија и вакцини против Ковид-19,“ напиша Вучиќ.
„За нашиот Торлак уште 20 милиони евра, за уредување на просториите и обнова на фасадите, ќе ги уредиме и парковите и пристапните патишта до институтот. Од Торлак ќе направиме најдобра фабрика за вакцини во цела Европа,“ додаде тој.
„Она што е најрадосната вест – од денес покренуваме постапка, правиме бизнис план и влегуваме во процес на производство на четиривалентна вакцина против грип,“ напиша српскиот претседател.