Српскиот претседател Александар Вучиќ изјави денеска дека сите кои предизвикаа инциденти во Народното собрание на Србија и градското собрание на Белград, а против кои е поднесена кривична пријава, ќе одговараат, бидејќи Србија е правна држава.
„Ќе го чекаме обвинителството, ќе чекаме понеделник, па потоа ќе побараме. Ние сме трпеливи и толерантни, но сите против кои се покренуваат обвиненија и за Народното собрание и за Градското собрание, сите насилници кои мислеа дека имаат право на тоа, сите ќе бидат зад решетки, во тоа сум апсолутно сигурен, бидејќи ова е правна држава“, рече Вучиќ.