Претседателот на Србија, Александар Вучиќ, на прес-конференција вечерва им се заблагодари на претставниците на Србите од северот на Косово и рече дека наскоро ќе пристигнат и Србите од барикадите.
Вучиќ рече дека за прв пат имаат официјална изјава од КФОР, која дава права и на Србија и на луѓето на северот на Косово.
Претседателот Вучиќ рече дека со денови и ноќи се водат многу тешки дискусии.
– Цела ноќ се боревме за зборот барикада… За тоа дека никој што бил на барикадите не може да биде кривично гонет – посочи Вучиќ.
Како што вели, вечерва очекува невозможни барања, а што и да се случи ќе остане со својот народ.