Потпретседателот на владата на Србија и претседател на Српската напредна партија, Александар Вучиќ изјави дека на претседателството на својата партија ќе му предложи да го продолжи дијалогот и да добие поголеми гаранции за Србите на Косово и Метохија, но додаде дека смета дека не е реално Србија да потпише решение кое и е понудено во Брисел.
-Нема да потпишеме ништо против нашите интереси, но мора да станеме нормална држава – изјави Вучиќ.
Тој додаде дека денес ќе биде донесена конечна и официјална одлука за решавање на проблемот со Косово, понудено на последните преговори во Брисел.
Потпретседателот на владата изјави дека на завршните преговори во Брисел на 2-ри април, српската делегација не добила никаков документ, туку дека само и е прочитано што се бара од неа.
-Јас во еден момент реков дека сум подготвен да поднесам оставка. Ништо не можеме да го прифатиме – нагласи Вучиќ.
Елена Георгиевска