Српскиот претседател Александар Вучиќ изјави дека поради студентските блокади се повредени сите права на студентите кои сакаат да студираат, вклучително и нивните уставни права, правото на образование, правото на работа и слободата на движење.
Тој во разговор со граѓани во Центарот за култура во Ковачица рече дека секојдневно се нарушува правото на слободно движење на граѓаните со окупирање на патишта и улици.
„Тие мислат дека им е дадено од Бога и можат да прават што сакаат. И мислат дека имаат право да ги спречат другите луѓе да размислуваат поинаку, па ќе го спречат овој собир и секој друг. Лудост е тоа што продолжува, но неговата сила и ефект полека опаѓа и ќе ги има сè помалку“, рече Вучиќ.