Српскиот претседател Александар Вучиќ и украинскиот претседател Володимир Зеленски се обратија пред медиумите по средбата меѓу двајцата лидери.
По потпишувањето на важни меморандуми, Вучиќ и Зеленски се обратија пред јавноста, при што Вучиќ изрази големо задоволство што Србија имаше можност да биде домаќин на украинскиот претседател.
„Разговаравме за различни теми, а најважно е што Србија и јас, како нејзин претседател, ја почитуваме резолуцијата на Европската повелба, што значи дека го почитуваме суверенитетот на сите европски земји, вклучително и Украина“, рече Вучиќ на почетокот.
Вучиќ нагласи дека Србија е многу благодарна на Украина за поддршката на територијалниот интегритет на Србија.
„Ќе продолжиме да водиме принципиелна политика, нема „но“ по ова прашање“, рече тој, додавајќи дека Зеленски и тој разговарале и за европскиот пат на двете земји.