Работни групи од двете држави в понеделник ќе заминат во Берлин за да разговараат со специјалниот пратеник Ричард Гренел за воспоставување на железничка линија меѓу Белград и Приштина. Веста беше соопштена денеска по средбата на домаќинот, претседателот на Србија Александар Вучиќ со Гренел.
„Истото барање го пренесувам и овде, а тоа е она што е поврзано со кампањата за повлекување на признавањата, која мора да престане“, рече Гренел.
Вучиќ на ова одговори дека за него тоа не било исто оти косовските такси од сто отсто за српските производи биле воведени без причина. Гренел од Приштина побара да ги укинат таксите.