„Наскоро, сите од регионот ќе можат да се вакцинираат во Србија“, рече српскиот претседател Александар Вучиќ.
Тој кажа дека Србија наскоро ќе им овозможи на граѓаните на БиХ, Црна Гора и Македонија да се вакцинираат во таа земја против коронавирусот.
Вучиќ, гостувајќи во емисија на ТВ Прва, рече дека Србија има доволно вакцини, за разлика од другите земји во регионот.
„Србија има доволно вакцини. Наскоро ќе им овозможиме на сите граѓани на БиХ, Црна Гора и Македонија да можат да дојдат во Србија и да се вакцинираат“, рече Вучиќ.