Претседателот на Србија, Александар Вучиќ, денеска изјави дека ЛГБТ манифестацијата Еуропрајд, која беше најавена за септември во Белград, ќе биде откажана „или одложена“.
Вучиќ во своето обраќање пред граѓаните рече дека одржувањето на тој настан не е можно во моментите на „тешка криза на Косово“ која, како што оцени, нема да заврши барем до 31 октомври.
„Не го велам тоа затоа што сум многу среќен затоа што нема парада. Ги загрозуваме правата на малцинствата, но државата е притисната од сите можни проблеми, мора да се справиме со храна и суша, енергетски проблеми. Едноставно е, во одреден момент не можеш се да постигнеш“, рече Вучиќ.