Градиме Србија во која не е исплатливо да се краде, бидејќи мора да се почитува законот и во која никој нема да биде заштитен според политичка припадност, доколку стори кривично дело, изјави денес потпретседателот на владата на Србија, Александар Вучиќ.
Тој ги повика граѓаните на 26-ти мај на локалните избори да гласаат за коалицијата СНС-Нова Србија-Демократска партија, бидејќи само оваа листа може да им помогне во развојот на општините и да донесе нови инвеститори.
-Го сакаме Сименс, не само во Суботица, туку во уште три фабрики во Србија. Европа мора да не прифати како бизнис партнер, а ние ќе докажеме дека имаме закони, кои овозможуваат безбедност на инвестициите и можност за заработка-нагласи тој.
Елена Георгиевска