Српскиот претседател Александар Вучиќ денеска по средбите со македонскиот премиер Зоран Заев и албанскиот – Еди Рама, изјави дека на состанокот на земјите од „малиот Шенген“, донесени се неколку важни одлуки за граѓаните, меѓу кои е и одлуката да се укине задолжителното приложување негативен ПЦР тест за коронавирус при преминот на границите меѓу Србија, Северна Македонија и Албанија.
„Имавме долг состанок со Рама и Заев и мислам дека беше важно тоа што донесовме неколку битни одлуки, кои ќе се применуваат најдоцна од 10 ноември. До тогаш, сигурно ќе може да се оди во Албанија и во Северна Македонија и обратно без ПЦР тест,“ изјави Вучиќ.