Втор ден од собирот „Не ја даваме Србија“

Од:

Во Белград денеска ќе се одржи вториот ден од собирот „Не ја даваме Србија“ по повод основањето на национално движење првично наречено Движење за народот и државата, на кој ќе зборува претседателот на државата, Александар Вучиќ.

Програмските активности почнуваат во 13 часот додека централниот собир ќе биде пред Парламентот во 19:00 часот.

За време на тридневната манифестација, како што е најавено ќе се одржи културно-забавна програма заедно со промоција на политички идеи и барања.

Првиот ден од тридневниот митинг „Не ја даваме Србија“ почна вчера со дефиле на знамиња, кога беше претставено српско знаме долго 200 метри, кое заедно со граѓаните го донесе претседателот Александар Вучиќ.

Вучиќ на 8 април ги повика граѓаните на овој собир, што ќе трае до утре во име на новооснованото „Движење за народот и државата“.

Собирот се одржува во ек на неколкумесечни масовни протести организирани од студентите кои ги блокираат државните универзитети со барање да се утврди одговорноста на властите за смртта на 16 лица кога се урна бетонска настрешница на железничката станица во Нови Сад.

Вучиќ најави дека на собирот ќе се утврдат барањата „што се усогласени со Уставот“. „Барања што се сериозни и ја претставуваат волјата на одговорните луѓе во нашата земја, волјата на мнозинството во Србија“, порача Вучиќ во објавата на Инстаграм.

Претседателката на Собранието на Србија, Ана Брнабиќ изјави претходно, дека Александар Вучиќ на тој собир ќе изнесе пет барања до институциите.

Како што е најавено, граѓаните ќе можат да му оставаат писма, разгледници и предлози на претседателот на државата за тоа како треба да изгледа идното движење за народот и државата. Исто така, ќе може и на т.н. гласачки ливчиња да се изјаснат и за името на движењето, кое до 28 јуни (Видовден) треба да го добие официјалното име.

„Народот ќе одлучи за името, ќе има можност да го направи тоа и в недела, бидејќи ќе имаат таканаречени гласачки ливчиња за да го напишат својот предлог. Има седум или осум предлози за името на движењето. Потоа повторно на долга дебата и гласање. Се треба да заврши на 28 јуни на Видовден“, рече претходно Вучиќ.

Би можело да ве интересира

ВИДЕО: Полицијата ги спречи демонстрантите да влезат во Филозофскиот факултет во Нови Сад

Предраг Петровиќ

Одреден и е притвор на мајката која го остави своето бебе до контејнер во Земун

Пленковиќ: Србија e на работ на граѓанска војна

Горан Наумовски

ВИДЕО: Илјадници граѓани излегоа на улиците на Србија против блокадите

Предраг Петровиќ

На 100 локации низ Србија најавен нов собир на граѓаните против блокади

Предраг Петровиќ

Жената која го пронајде напуштеното бебе во контејнер во Земун сега сака да го посвои

Горан Наумовски