Припадниците на Штабот за одбрана на хрватски Вуковар денеска ги отстранија сите двојазични табли во градот, откако на Меморијалните гробишта положија венци по повод годишнината од формирањето на 204. вуковарска бригада.
По отстранувањето на двојазичните табли уапсени се пет лица, меѓу кои и жени.
По новиот инцидент со двојазичните табли во Вуковар пред полициската станица се собираат граѓани.
Од минатата есен до сега во Вуковар двојазичните табли повеќе пати се отстранувани и кршени, а властите повторни ги враќаат.