Во Виена денеска се одржува Самит за Западен Балкан на кој ќе учествуваат лидери од регионот и ЕУ со цел да се поттикне европскиот пат на регионот, но и поради моментната ситуација, да се обиде да се најде решение за проблемот со азилантите.
Самитот е продолжение на берлинскиот процес од лани инициран од германскиот канцелар Ангела Меркел и кој има за цел поттикување соработка на Балканот.
Денешниот ден ќе почне со прес конференција на шефовите на дипломатии и европскиот комесар за проширување Јоханес Хан кој ќе извести за целите на Самитот.
Потоа ќе биде одржан состанок во врска со изградбата на автопатот Ниш-Приштина-Драч како и работен појадо на министрите за економија од регионот и ЕУ.
Самитот ќе го отвори во 11 часот австрискиот канцелар Вернер Фајман. Виенскиот самит ќе биде можност за претставување инфраструктурни проекти на регионот, но и поради актуелната ситуација ќе биде во знак на решавање на проблемот со азилантите.