Во акција на припадници на Безбедносно-информативната агенција (БИА) и на надлежното јавно обвинителство, разбиена e шпионска мрежа и се уапсени четири лица поради сомнение дека сториле кривично дело шпионажа, пренесува Новости.
Сите уапсени се државјани на Србија.
Двајца од уапсените биле вработени во српската канцеларија на странска организација и континуирано се занимавале со собирање информации од разузнавачки карактер, од кои некои имаат статус на доверливост и тајност. Информациите што ги собраа се однесуваа на работата и функционирањето на државни органи и институции и одредени јавни претпријатија, но и ресурси од националниот одбранбен систем на Србија, особено воените безбедносни служби. Посебен сегмент од нивниот интерес биле индивидуалните државни менаџери како и деловни компании.