П.Ѓ. (36) од Ковин (Србија) по наредба на Основното јавно обвинителство во Смедерево е приведен поради сомнение за насилничко однесување кон малолетници.
Тој е обвинет дека со своето возило им го попречил патот на Б.Н. (16), А.Д. (15), З.С. (16) и С.С. (14) и почнал вербално да ги напаѓа и да ги навредува, а потоа со дрвен стап го удрил по грбот и го повредил А.Д. во пределот на градниот кош, при што подоцна од лекар му се констатирани повреди.
Осомничениот потоа влегол во автомобилот и насилно возел при што со голема брзина им се приближил на малолетниците, но тие успеале да се извлечат и да избегнат удар.
Од осомничениот е одземено моторно возило, а по распит на жртвите и сведоците, до Основниот суд Смедерево ќе биде поднесен обвинителен акт.