Во Србија, Хрватска и Босна и Херцеговина од денеска почнува емитувањето на првата регионална 24-часовна информативна телевизија Ен1, ексклузивен партнер на Си-Ен-Ен за регионот.
Емитувањето на програмата почнува денеска во 14 часот по локално време.
Телевизијата ќе има седишта во Белград, Загреб и Сараево, секое со своја сопствена уредувачка политика, новинари и телевизиско студио.
Трите студија ќе објавуваат сопствени материјали, кои ќе се обединат во регионална програма, која ќе биде во функција со интересите на публиката во трите земји.
– Освен телевизиски сигнал, овој екслузивен партнер на Си-Ен-Ен ќе отвори и информативен портал и апликации за ИОС, Андроид и Виндоус, изјави директорот на програмата за Србија, Југослав Чосиќ.
Новата телевизија ќе може да емитува и програми на Си-Ен-Ен, за кои ќе смета дека се интересни за публиката во регионот.
Во програмата на Ен1 ќе бидат вклучени информативни емисии, дебатни емисии, забавни програми, спорт и документарни филмови.