Во Србија годинава се регистрирани девет случаи на лица заразени со вирусот на западнонилската треска.
Вирусот се пренесува преку комарците и во поголем број на случаите болеста може да помине без симптоми, но кај некои пациенти се јавува висока температура, треска, главоболка, гадење и малаксаност. Само кај еден процент од заболените можат да се јават сериозни проблеми како што е менингитис, енцефалитис или парализа.
На белградската Клиника за инфективни и тропски болести минатата година биле лекувани 58 пациенти, од кои десет починале.
Западнонилската треска првпат е регистрирана во Уганда во 1937 година.