Во Клиничкиот центар во Сплит примено е лице за кое постојат сомнежи дека има коронавирус, пренесуваат хрватските медиуми.
„Пациентот е изолиран на Клиниката за инфектологија, коронавирус не е потврден“, велат од болницата.
Со оглед на тоа што тој неодамна престојувал во Кина, тој е превентивно изолиран и е во карантин.
Извршени се сите потребни анализи, а додека не пристигнат резултатите, тој ќе биде одвоен од останатите пациенти, информираат од клиниката.
Сомнежи за коронавирус постоеја и кај 28-годишен пациент од Осијек, но по сите извршени анализи, денеска доцна попладневно се испостави дека пациентот е здрав.