Во Херцег Нови викендов престојуваат околу 3.300 туристи, што е за 92 проценти помалку во однос на истиот период лани, според податоците на Туристичката организација во црногорскиот град.
Од вкупниот број туристи има 2.570 странци и 733 домашни гости, пишуваат локалните медиуми.
Според информациите, иако е забележан раст на бројот на туристите во однос на минатата недела, ова е еден од најслабите викенди во август што го паметат туристичките работници.
Според Туристичката организација на Херцег Нови, викендов нема ниту еден регистриран турист во десетината авто кампови и хостели во градот и околината.