Според официјалните британски податоци за странските затвореници, со 303 затвореници Албанија е меѓу првите 10 земји со најмногу свои државјани во затворите низ Велика Британија, пренесе денеска албанскиот дневен весник „Шекули“.
Според пишувањето на весникот, од вкупно 11.000 странци во британските затвори, најмногу се оние од Полска (околу 1.000), додека на второ и трето место се Ирска и Јамајка.
Меѓу првите 10 уште се наоѓаат Романија, Пакистан, Литванија, Нигерија, Сомалија и Индија.
Велика Британија на странските државјани во своите затвори, како што се наведува, троши повеќе од 360 милиони фунти.