Во Брисел денеска продолжува новата рунда од техничкиот дијалог меѓу Белград и Приштина за примена на бриселската спогодба, во која главни теми се полицијата, правосудството, електричната енергија и телекомуникациите.
Учесниците на вчерашниот состанок, на кој се разговарало за полицијата и правосудството, не даваа изјави.
Во Брисел денеска ќе стане збор за останатите теми поврзани со спроведувањето на спогодбата , што на 19 април ја парафираа српскиот премиер Ивица Дачиќ и косовскиот премиер Хашим Тачи, а ќе се разговара за струјата и телекомуникациите.
Како и минатиот пат, белградската делегација ја предводи советникот на српскиот претседател Марко Ѓуриќ и координаторот на одборот за имплементација Александар Вулин, а во состав на делегацијата е и министерот за правда Никола Селаковиќ.
Од другата страна се потпретседателите на косовската влада Едита Тахири и Најредин Кучи, додека ЕК ја претставува Фернандо Џентили, директор за Западен Балкан во Европската служба за надворешни работи и близок соработник на виоската претставничка за надворешна политика и безбедност Кетрин Ештон.