Владата на Федерацијата на Босна и Херцеговина денеска донесе одлука за прогласување на 20 мај за Ден на жалост во Федерацијата БиХ, поради природните непогоди со кои се соочува земјата.
Ден на жалост се одбележува со задолжително истакнување на знамето на БиХ на половина копје на зградите на државните институции.
На Ден на жалост не може да се одржуваат програми од културно-забавен карактер на јавни места, а медиумите треба да ги прилагодат и усогласат своите содржини.
Владата на Република Српска, исто така, го прогласи 20 мај за Ден на жалост поради трагично загинатите граѓани во катастрофалните поплави.