Во Белград денеска ќе се одржи форумот на министри за внатрешни работи и правда „ЕУ-Западен Балкан“, на кој ќе се разговара и за борбата против организираниот криминал и корупцијата.
Форумот го организираат министерствата за внатрешни работи и правда на Србија со поддршка од Италија и во соработка со Европската комисија.
Средбата ќе ја отворат италијанските министри за внатрешни работи и правда Анџелино Алфано и Андрео Орланд, а на учесниците ќе се обрати и европскиот комесар за внатрешни работи Димитрис Аврамопулос.
Српскиот министер за внатрешни работи Небојша Стефанивиќ вчера најави дека на форумот ќе се разговара за многу важни теми, како што е борбата против организираниот криминал и тероризмот, азил и миграциите, владеење на правото, како и слободата на медиуми, еднаквоста и безбедноста.