Полицијата во хрватскиот град Запрешиќ отворила криминална истрага против 46-годишна хрватска државјанка и 25-годишна државјанка на БиХ, кои се осомничени дека заедно со трета членка, која засега е непозната, „оперирале“ низ градот како тим од џепчии, крадејќи паричници од чанти, по што ги користеле украдените платежни картички за да извлекуваат пари од банкомати.
Според полицијата, екипата направила серија кражби во градот на 2 март, кога успеале да ограбат четири жени, со чии картички потоа оделе на банкомати, каде се обидувале да извадат пари. Во два случаи успеале, правејќи штета од околу 750 евра, соопшти хрватската полиција, која додава дека се трага по избеганата членка на бандата.