По наредба на Јавното обвинителство за организиран криминал во соработка со Службата за борба против дрога, Управата за криминалистичка полиција, по повеќемесечна предистражна постапка на територијата на Белград, Ниш, Лазаревац, Суботица и Зрењанин денеска 13 лица се уапсени М.С, М.Л, М.Ј, Д.Ѓ, М.М, Д.Н, И.Ц, Р.Р, Ѓ.П, М.Р, В.С, М.П. и Ј.Л., поради постоење основи на сомнение дека сториле кривично дело неовластено производство и пуштање во промет на наркотични дроги.
Како што дознава српски Курир, меѓу нив се и челниците на „балканскиот картел“.
– Оваа организирана криминална група која ја сочинуваат 20 лица е осомничена дека била вмешана во меѓународна трговија со дрога. Имено, организаторите и членовите на оваа организирана криминална група се осомничени дека во текот на 2020 година учествувале во набавка и транспортирање на повеќе од шест тони кокаин од Јужна Америка во земјите од Западна Европа и Република Србија – изјавија истражителите.
Меѓу уапсените се и Пинк Пантерот, Драган Ѓорѓевиќ – Гага, Глигорије Пељевиќ (73), Младен Лазаревиќ, Мирослав Старчевиќ, познат како Генерал, односно Дедо.