Уапсениот член на група вооружени лица во селото Бањска е приведен во полициска станица во јужниот дел на Косовска Митровица, јавуваат приштинските медиуми.
Неколку медиуми вечерва објавија видео снимено пред полициската станица во јужниот дел на Косовска Митровица, на кое се гледа паркирано возило во кое се припадници на специјалните единици на косовската полиција.
Потоа извлекуваат едно лице од истото возило и го носат до зградата. Според медиумите, станува збор за вооружено лице кое денеска е уапсено во Бањска.
За потсетување, косовската полиција неодамна соопшти дека во ова село, каде тензиите не стивнуваат од доцна синоќа, во размената на оган загинале тројца напаѓачи, додека еден е уапсен.
Истовремено, уапсени се уште четири лица кои се поврзани со „криминалната група“, односно со кои била пронајдена радиоврска.