ВИДЕО: Уапсениот градоначалник на Истанбул денеска пред суд, масовните протести продолжуваат

Од:

Демонстранти трета ноќ по ред излегоа на улиците низ Турција барајќи од владата оставка поради притворањето на градоначалникот на Истанбул Екрем Имамоглу.

Луѓето се собраа во Истанбул, Анкара и Измир и покрај забраната за протести, објавија локалните медиуми. Во Истанбул демонстрантите побараа оставка од владата.

Полицијата употреби солзавец против демонстрантите кои сакаа да ја пробијат полициската блокада. Министерот за внатрешни работи Али Јерликаја објави дека на протестите до нешто пред полноќ биле уапсени 97 лица.

Турскиот претседател Реџеп Таип Ердоган претходно ги нарече протестите „уличен терор“ и ја обвини опозицијата дека се обидува да создаде „хаос“. „Ние нема да прифатиме уништување на јавен имот и немири под никакви околности“, изјави Ердоган.

Имамоглу беше уапсен во средата, неколку дена пред да биде номиниран за претседателски кандидат на главната опозициска Републиканска народна партија (ЦХП).

Тој е обвинет за тероризам и корупција, а опозицијата тврди дека ова е политички прогон на конкурентот на Ердоган. Имамоглу треба да биде изведен пред суд денеска.

Би можело да ве интересира

(ВИДЕО) Силен земјотрес во близина на Истанбул, граѓаните во паника бегаа на улица

Ердоган: Израел ги користи нападите на Хамас за да изврши геноцид во Газа

(ВИДЕО) Драма во Анталија: 800 пожарникари се борат со пожари, наредена е евакуација

(ВИДЕО) Осуммина повредени во судир на бродови близу Истанбул

Горан Наумовски

Ердоган: Нетанјаху е идеолошки практично сличен на Хитлер

Турската полиција за седум дена уапси 161 терорист