Тешка сообраќајна несреќа во близина на бугарскиот приморски град Бургас.
Камион оштети 12 автомобили во малиот град Ајтос, а при удар на еден автомобил кој содржел плински систем настанала експлозија и пожар во кој изгорела 28-годишна жена, а шест лица биле повредени, пренесе националната телевизија Нова.
Според првичните информации, возачот на камионот бил под дејство на дрога.
Бугарската полиција соопшти дека до несреќата дошло кога камионот натоварен со жито не запрел на пешачки премин и удрил во жена која ја преминувала улицата, а потоа предизвикал верижен судир со дванаесет автомобили, од кои еден експлодирал и се запалил.
Повредените биле веднаш префрлени во локалната болница во Бургас.