Наместо традиционалната улична забава на новогодишната ноќ, десетици илјади демонстранти предводени од студенти се собраа во текот на ноќта во Белград и другите српски градови за да побараат политички реформи и правда во земјата.
Građani i studenti skupili su se u Pionirskom parku, odakle su krenuli u šetnju ka Studentskom trgu, gde su odali počast nastradalima u nesreći na železničkoj stanicu u Novom Sadu uz 15 minuta tišine.
Kako je sve izgledalo pogledajte na našem snimku iz drona. pic.twitter.com/FfaQhRYOrn
— TV N1 Beograd (@n1srbija) December 31, 2024
Студенти од различни белградски факултети организираа протест под слоганот „Нема Нова година – уште ни должите за старата“.
Гласно скандирање „Сакаме правда“ прекина во 23 часот и 52 минути кога се одржа 15-минутно молчење за да им се оддаде почит на жртвите од трагедијата во Нови Сад, во која на 1 ноември загинаа 15 лица. Многумина држеа транспаренти со црвен отпечаток од дланка, кој стана симбол на антивладините протести, како порака до властите дека имаат крвави раце.
Bučni, solidarni, prkosni!
Nema Nove – zahtevi NISU ispunjeni! 🤚 #studenti #blokade #niš pic.twitter.com/Z35rGPQWO8
— Mateja (@MATEJANIKOLlC) December 31, 2024
Демонстрантите истакнаа дека и покрај деновите на славење, нивната посветеност за барање правда останува непоколеблива. Движењето предводено од студентите доби поддршка од различни општествени групи, вклучувајќи професори, земјоделци и актери, што покажува широко распространето незадоволство од владеењето на претседателот Александар Вучиќ.
Илјадници луѓе се собраа и во Нови Сад и во Ниш на паралелни митинзи кои исто така беа предводени од студентите во тие градови.
Nepregledna reka studenata! pic.twitter.com/ypCDr6AtV8
— Kreni-Promeni (@KPromeni) December 31, 2024
Новогодишниот протест се одржа нешто повеќе од една недела откако десетици илјади граѓани се собраа заедно со студентите на еден од најголемите собири во последните години во главниот град на Србија, барајќи да се исполнат студентските барања кои вклучуваат и одговорност за несреќата во Нови Сад.
Вучиќ претходно за провладината телевизија Прва изјави дека сите барања на студентите се исполнети.
– Секогаш бев подготвен да разговарам, но тие не сакаат да разговараат со мене, немаат аргументи, рече Вучиќ, повторувајќи дека нема да биде соборен со улични протести.
Студентите постојано му порачуваат, дека од него всушност и ништо не бараат. Нивните барања се кон владата и правосудните институции.