Осумина, од кои седум илегални мигранти, загинаа денеска во сообраќајна несреќа во Албанија кога возило паднало во реката Вјоса од висина од 100 метри, соопшти полицијата.
Се претпоставува дека возилото се движело со брзина поголема од дозволената, а возачот не го познавал добро патот Келчире-Пермет, на кој се случила несреќата, пренесуваа медиумите.
Порталот наведува дека има индиции дека возилото со возач Албанец кој превезувал седум илегални мигранти го бркала полицијата.
„Возачот изгубил контрола и автомобилот излетал од патот во реката Вјоса“, се додава во соопштението.