ВИДЕО: Студент од Србија меѓу „киднапираните“ од израелските власти при упадот на хуманитарните бродови

Од:

Меѓу активистите на хуманитарната флотила, која денеска беше пресретната од израелската армија на пат кон Газа, е и студент од Србија, Огњен Марковиќ, потврдија неговите колеги од Факултетот за драмски уметности, пишува nova.rs.

„Израелските сили штотуку ја презедоа контролата врз бродот Адара, еден од бродовите во флотилата Сумуд што носеше хуманитарна помош за Газа. Нашиот колега Огњен Марковиќ исто така беше на овој брод“, објавија студентите на социјалните мрежи.

Тие споделија и видео порака што Марковиќ ја сними пред пресретнувањето.

„Се викам Огњен и доаѓам од Србија. Ако го гледате ова видео, мојот брод беше пресретнат и бев нелегално приведен од израелските окупаторски сили“, започна Марковиќ. Во пораката, тој повика на притисок врз српската влада. „Ве поканувам да извршите притисок врз Владата на Србија да бара мое итно и достоинствено ослободување и да се стави крај на соучеството во геноцидот“, рече тој.

Неговите колеги на универзитетот рекоа дека наскоро ќе објават повеќе информации за случајот.

Флотилата, која се состои од повеќе од 50 бродови, исплови во август и носи пропалестински активисти од целиот свет, вклучувајќи ја познатата шведска активистка Грета Тунберг и неколку членови на Европскиот парламент. Италијанските синдикати повикаа на протестен штрајк во петок поради пресретнувањето на флотилата.

Израелското Министерство за надворешни работи потврди дека морнарицата запрела неколку бродови и дека активистите се префрлаат во израелско пристаниште, од каде што ќе бидат депортирани. Исто така, објави видео на кое се гледа како израелски војник ги предава работите на Грета Тунберг по нејзиното апсење. „Грета и нејзините пријатели се безбедни и здрави“, се вели во соопштението на министерството, објавено од „Тајмс оф Израел“.

Би можело да ве интересира

ВИДЕО: Израелците упаднаа на бродовите со хуманитарна помош, дел од флотилата уште плови кон Газа

Катерина Ѓуровски

Нетанјаху: Не ги повлекувам силите од Појасот Газа

(ВИДЕО) Снег во Србија и во БиХ

Шпанија забрани транзит на оружје преку нејзините бази за Израел

33 лица убиени во израелски напади во Газа

Ројтерс: Нетанјаху му се извини на Катар за нападот во Доха за време на средбата со Трамп