Приврзаниците на повеќе десничарски организации одржаа протестен марш во Белград под името „Никогаш граници – Косово е Србија“ и побараа прекинување на преговорите со Приштина.
Тие им порачаа на властите да се повлечат од европските интеграции.
Учесниците на маршот, кој започна пред Соборната црква, поминаа покрај зградата на Владата, Уставниот суд, а протестната прошетка ја завршија кај Храмот Свети Сава, каде што запалија свеќи за српските жртви на Косово и Метохија.
Голем број полициски сили го обезбедуваа протестот на кој присуствуваа околу 800 луѓе.