Најмалку 20 лица загинаа во поплавите што ја погодија Босна и Херцеговина во ноќта од четвртокот кон петокот.
Владата на Херцеговско-неретванскиот кантон вчера соопшти дека бројот на жртвите во поплавите е помал од оној најавен во петокот и дека на подрачјето на тој кантон загинале 13 лица, а не 14, како што претходно соопшти кантоналниот МУП. Во текот на денот биле пријавени уште две жртви на подрачјето на тој кантон, па заклучно со саботата загинале 15 лица.
Три лица загинаа во Фојница, во областа на Централниот босански кантон, така што на национално ниво, од саботата, официјално е потврдена смртта на 18 лица.
Две тела денеска беа извлечени во областа Долна Јабланица, а сега вкупниот број на загинати е 20.