Хрватска од денеска е зафатена од студен бран и во делови од земјата снежно невреме, некаде со температури и до 18 степени пониски од вчерашните. Делови од земјата се погодени од поројни дождови, некаде има снежна покривка, а во голем дел дува силен ветер.
Утрово падна снег во Горски Котар и Лика и температурите се околу нула и се за десет степени пониски од вчерашните. Утрово измерени се 7 сантиметри снег во Делнице, а 10 сантиметри во населбата Бегово Раздоље. Од службата за Хрватските автопатишта повикуваат граѓаните да не поаѓаат на пат без посебна потреба.
Idu ralice, ali ide i snijeg. Dionica od Gerova do Tršća! ?Diana Zbašnik @N1infoZG pic.twitter.com/rtO8WbkpFP
— Tea Blažević (@blaTeabla) April 13, 2021
Поради силниот ветер, Јадранската магистрала помеѓу Карлобаг и Света Марија Магдалена е затворен за секаков сообраќај, а поради лошите временски услови, во прекин се и некои фериботски и катамарански линии, објави Хрватскиот авто-клуб (ХАК).
Поради oрканскиот ветер и снег, во моментов нема слободна рута за камиони со приколки и полуприколки од правецот на внатрешноста кон Далмација, Риека и Истра и обратно.
Дел од Јадранот синоќа беше погоден од најавениот силен дожд, кој предизвика големи бранови во тој дел на Хрватска.