Првите количества од руската вакцина „Спутник V“ произведени во институтот „Торлак“ во Србија излегоа од производната лента денеска, јавија српските медиуми.
Вакцината во иднина ќе може да се извезува во земјите од регионот, соопшти Рускиот фонд за директни инвестиции.
Фондот и Институтот за вирусологија и вакцини „Торлак“ објавуваат дека е започнато производството на руската вакцина против коронавирусот „Спутник V“ во Србија. Со тоа, Србија стана прва земја во јужна Европа која ќе ја произведува вакцината во согласност со највисоките стандарди,“ соопшти Фондот.
BREAKING: #Serbia starts #SputnikV production!
RDIF & Institute of Virology, Vaccines and Sera “Torlak” join forces to bring more Sputnik V vaccines to the world!
— Sputnik V (@sputnikvaccine) April 14, 2021
„Во склад со договорите кои се постигнати меѓу РФДИ и институтот „Торлак“, во Србија во краток рок беше покренато производство на вакцината „Спутник V“. Србија е првата европска држава која почна да ја произведува руската вакцина“, изјави директорот на Фондот, Кирил Дмитриев.