И вечерва на улиците на Софија излегоа илјадници граѓани кои веќе осми ден протестираат барајќи оставка од владата на Бојко Борисов поради зачестените корупциски скандали.
Паралелно, посебен собир се одржа пред зградата на државната телевизија, каде демонстрантите бараа оставка од генералниот директор Емил Кошлуков.
Изминатите денови, демонстрациите во бугарската престолнина беа и насилни, а група незадоволни граѓани се судрија со полициските специјалци при обид да влезат во зградата на Националниот совет.
Протести вечерва се одржаа и во други бугарски градови, а здруженијата на Бугарите во дијаспората протестираа во повеќе европски градови.