Неколку десетици демонстранти со качулки денеска запалија неколку канти за отпадоци пред албанското Министерство за образование во Тирана и фрлаа камења кон полицијата. Судирите избија на почетокот на новите протести организирани од студенти кои бараат оставка од премиерот Еди Рама, пренесува АФП.
Breaking- Fresh violence erupts in Tirana, Albania, as protesters clash with police during renewed demonstrations.
Demonstrators hurled Molotov cocktails toward officers, while police responded with tear gas and water cannons.
#Albania #Tirana #AlbaniaProtests #BreakingNews https://t.co/TIOc6DvS9o
— World Conflict Live 247 (@WCLNews247) October 31, 2026
Албанија, земја со околу 2,3 милиони жители, со месеци е потресена од антивладини протести.
Премиерот Еди Рама, лидер на социјалистите, е на власт од 2013 година. Од средината на октомври, протестите станаа сè понасилни, а на улиците во Тирана често доаѓа до судири меѓу демонстрантите и полицијата.
Денешниот протест започна мирно. Неколку стотици луѓе се собраа пред Министерството за образование, местото од каде што речиси секој ден започнуваат демонстрациите. Толпата извикуваше „Рама, оставка!“ и „Нема Албанија без младите!“.
🚨 Tensions flare again at protests in Albania, where citizens’ primary demand is the removal of both PM Rama and opposition leader Berisha. https://t.co/zGg6ezczwF
— Tirana Report (@Tirana_Report) October 31, 2026
Потоа, неколку десетици млади мажи со качулки го презедоа водството на протестот. Тие запалија неколку канти за отпадоци, а потоа почнаа да вадат камења од тротоарот и да ги фрлаат кон полицијата.
Полицијата досега ги предупредуваше демонстрантите и се закани со интервенција. Голем број полицајци за интервенции се распоредени во близина на министерството, а таму се наоѓа и воден топ.
Антивладините протести во Албанија започнаа во мај поради контроверзен проект за изградба на туристички недвижности на албанскиот брег, од кој би имал корист соработник на американскиот претседател Доналд Трамп. Незадоволството подоцна се прошири и на други проблеми, првенствено обвинувања за корупција.
Студентското движење, кое нема единствен лидер, исто така предупредува на проблемите во здравствениот систем и на недостигот од можности и перспективи за младите во Албанија. Во средината на октомври, протестите станаа насилни. Демонстрантите тогаш запалија или оштетија неколку јавни објекти, вклучително и министерства и судски простории, како и бројни продавници.
Од почетокот на насилните судири се повредени речиси 350 луѓе, изјави вчера албанскиот министер за внатрешни работи, Ервин Демо.
Меѓу повредените има околу 200 полицајци, 100 демонстранти и 40 случајни минувачи.
Демо го осуди учеството на „малолетници кои биле манипулирани од организаторите и поставени во првите редови на нападите и насилството“. Според него, досега, за време на протестот, се уапсени 269 лица помлади од 18 години.
Во средата, албанската влада најави построги казни за насилство на протестите. Воведени се парични казни во износ до 5.500 евра за демонстрантите кои вршат насилство.