(ВИДЕО) Напади врз новинарски екипи во Лепосавиќ: Снимател на РТК клоцан додека лежи на пат

Од:

Во Лепосавиќ нападнати се новинарски екипи на локални медиуми кои известуваат на албански јазик. По тој повод физички бил нападнат и повреден снимател на Радио-телевизија на Косово, соопшти оваа медиумска куќа. Европскиот центар за слобода на печатот и медиумите и Здружението на косовските новинари го осудија денешниот напад врз снимателот на РТК Бардо Бектеши во Лепосавиќ.

Видео од нападот на снимателот на социјалните мрежи објави и радио-телевизија на Косово. На снимката се гледа како камерманот и неговиот колега ги бркаат неколку мажи, а едно од маскираните млади момчиња го сопнува снимателот и почнува да го клоца додека тој лежи на патот.

Искршена е камерата на Бектеши.

Здружението на косовските новинари уште еднаш упати итен апел до косовската полиција и меѓународната заедница да овозможат безбедно известување од север.

Европскиот центар за слобода на печатот и медиумите го осуди денешниот напад врз снимателот на РТК Бардо Бектеши во Лепосавиќ.

Вчера во Звечан било искршено возилото на Радио-телевизија на Косово додека екипата известувала за протестите во таа општина на северот на Косово. Искршени се стаклата на автомобилот, а дупнати се и гумите.

Би можело да ве интересира

Таравари, Фетаи и Ќоку, првата посета надвор од земјава ја остварија во Косово

Средба Вучиќ-Курти по девет месеци пауза

Маж во Косово почина по семејно насилство: Синот е осомничен дека го претепал

Ховениер: Косово да ги исполни сите свои обврски

Инцидент во Косовска Митровица, двајца прободени со нож по финален натпревар

Пеќ: Ранети се три лица, по напаѓачот е распишана потерница

Горан Наумовски