Пропадна и 13-тиот обид за конституирање на косовското собрание. Седницата денеска е прекината.
Од 113 пратеници кои беа во салата, за Комисијата на тајно гласање гласаа 56 пратеници, по што преседавачот изјави дека седницата е прекината. Продолжението на седницата е закажано за в недела во 10 часот.
Претходно претставници на опозициските партии не сакаа да именуваат членови на Комисијата за тајно гласање од нивните политички партии.
Кандидатката на Самоопределување за претседателка на Собранието на Косово Аљбуљена Хаџија досега не успеа да добие доволен број гласови.
Конститутивната седница почна на 15 април, кога беше прекината бидејќи не беа верификувани пратеничките мандати. Оттогаш продолжува на секои два дена, а денеска беше 13. обид за конституирање на Собранието на Косово.