Големи пожари избувнаа на неколку места во Црна Гора. Голем пожар избувна во градот Горни Рогами во близина на Подгорица, а некои домаќинства беа евакуирани.
РТЦГ известува дека има загрозени згради и дека сите надлежни служби се на терен.
Страшен пожар избувна и во месноста Пипери.
Огнената стихија се шири над Чањ.
Според раководителот на Службата за заштита и спасување на Бар, Ацо Вулевиќ, ситуацијата е сериозна бидејќи пламените јазици се закана за станбените згради.
Тој нагласи дека се распоредени сите расположиви екипи и дека се вложуваат максимални напори за заштита на населбите во овој дел од општината, објавува порталот Барски.