Голем шумски пожар избувна денеска околу пладне во Манавгат, кај туристичкото место Сиде, на околу 70 километри од Анталија.
Пожарот избувна во шума недалеку од туристичка населба во местото, а во блиските хотели и други туристички капацитети нема струја и вода.
Како што пренесуваат медиумите, целосно се изгорени две села, а евакуацијата на населението е во тек. Сè уште не е познато дали има жртви.
Ветерот го носи пламенот и огнот се шири, иако пожарникарите се обидуваат да го изгаснат пожарот и со хеликоптери, јавуваат локалните медиуми.