Нешто по девет часот локализиран е пожарот во белградската населба Дорчол каде рано утринава се запали магацин. Густ црн чад се издигаше над населбата и можеше да се забележи од голема оддалеченост.
Според информациите на Министерството за внатрешни работи, нема повредени во инцидентот.
Станува збор за приватен магацин во кој главно се складира хартија и картони.
Повремено пукаше стакло и се слушааа помали детонации. Реонот е блокиран, а во тој дел од градот е создаден метеж бидејќи полицијата го пренасочува сообраќајот.
Ozbiojan pozar na Dorcolu. pic.twitter.com/cmwT4Nh6Cu
— Igor Avžner (@igorfocus) July 14, 2021
На местото на пожарот се наоѓаат 13 пожарникарски возила и 46 пожарникари кои се обидуваат да го изгаснат големиот оган. Пристигна и брод со 50 пожарникари кои огнот го гасеа од другата страна на магацинот.