Белградскиот сплав „Картел“ потона синоќа нешто по полноќ, а првите информации говорат дека сплавот почнал да тоне откако настанала тепачка меѓу гостите и обезбедувањето на мостот што ги поврзувал брегот и сплавот, кој во еден момент пукнал.
На страницата на Инстаграм „serbialive_beograd“ објавено е видео во моментот кога сплавот „Картел“ почнал да тоне. На видеото се гледа како луѓето набрзина го напуштаат сплавот, како и голема паника меѓу присутните.
Од сплавот се евакуирани 145 луѓе, а се проценува дека ги има околу 400. Нема сериозно повредени. Полицијата за само седум минути пристигнала на местото на настанот, како и другите итни служби и веднаш започнаа со спасување.