Вработени во Радио телевизија на Србија (РТС) на улицата „Таковска“ во Белград денеска се евакуирани околу 14 часот поради дојава за бомба, соопшти Министерството за внатрешни работи на Србија.
Сите вработени во РТС се евакуирани по наредба на обезбедувањето и се наоѓаат на безбедна локација во близина, на улицата „Абердарева“.
Блиц објави дека околу 14 часот обезбедувањето им наредило на вработените да ги напуштат своите работни места додека не се утврди што се случува.
Полицијата ја пребарува зградата.